Астана қаласы Білім басқармасының ұйымдастыруымен бүгін 22.02.2023 ж күні "Жасыл мектеп” жобасы аясында Болат Өтемұратов қорының демеушілігімен №88 мектеп - лицейінде жылыжайдың ашылу салтанаты өтті.

Ашылу салтанатына мектеп әкімшілігі, ұстаздары және оқушылары қатысты.
Жылыжай 2022жылдың қараша айында іске қосылып, содан бері биология пәні мұғалімдері Естемесова Зейнеп Асанбекқызы мен Дилдаева Қарлығаш Даулетханқызы өз шәкірттерімен бірге еңбек етіп келді, бүгін сол еңбектерінің жемісін көрдік.
Жылыжайда оқушылар қияр, қызанақ, сәбіз, шалғам, салат жапырақтары, қызылша, баялды және бұрыш өсірген.
Бүгінгі қуанышты күні жылыжайдың қияр, шалғам, салат жапырақтарының алғашқы өнімдері жинадық, алғашқы өнімнен дәм тату баршамызға бұйырды.
Осындай игі істердің арқасында балалар бойында табиғатқа деген сүйіспеншілік арта түсетіні hақ.
Демеушілік танытқан Б. Өтемұратов қорына алғысымыз шексіз.
Осындай жобаны жүзеге асыруға қолдау көрсеткен Білім басқармасына және ұйымдастыру алқасына мың алғыс.